Mеркел за корона-кризата: Да не го проиграме постигнатото

Канцеларката Ангела Меркел гледа и натаму опасност од пандемијата, но и значителни постигнати успеси во борбата против коронавирусот. Уште долго ќе мора да живееме со пандемијата, уште не постои ниту лек, ни вакцина против вирусот. Но, постигнати се резултати кои влеваат храброст, сметам за наша обврска да не го загрозиме постигнатото: „Би било депримирачки ако ние, од причина што сакаме многу за многу брзо време, би морале да се вратиме кон ограничувањата кои сите сакаме да ги оставиме зад себе", изјави Меркел денеска во Бундестагот, каде одговараше на прашања на пратениците, шести пат откако е на функцијата и првпат во текот на корона-кризата.

„Да бидеме храбри и будни", гласи мотото на канцеларката во однос на пандемијата. Меркел изрази голема почит во однос на постигањата на сојузните покраини, во однос на ефикасноста на здравството и здравствените служби. Новите инфекции се сведени во размери со кои нашиот здравствен систем може да се справи. Доколку успееме да избегнеме тешка регресија, ќе биде можна заштитата на животи и обнова на стопанството, истакна канцеларката. За таа цел останува приоритетна важноста на правилата за хигиена и држењето физичка дистанца, како и ограничувањето на социјалните контакти. Само со строго придржување кон овие правила можно е повторно враќање на работа, во училиштата, детските градинки и угостителските објекти, истакна Меркел.

Повеќе:

Германија повторно ги отвора границите на 15 јуни

Германија нема долгорочен план и само се провлекува низ пандемијата

Меркел ги повика Германците на внимателност

Вработен во германското МВР тврди дека короната е „лажен аларм“

Одговарајќи на „вкрстеното испитување" на пратениците, Меркел рече дека владата не планира покачување на даноците и давачките поради корона-кризата. Таа е задоволна што во ова кризно време земјата се наоѓа во економски добра ситуација: „Имаме добра шанса успешно да ја надминеме кризата. Но, не велам дека некој нема да почувствува последици."

Во однос на соработката на европско ниво во справувањето со пандемијата на коронавирус, Меркел чувствува потреба од подобри европски механизми и системи заради размена на информации и подготовка за следна пандемија.