Зголемена безбедност во НАТО-базата во Гајленкирхен

Во воздухопловната база на НАТО во Гејленкирхен, во германската покраина Северна Рајна-Вестфалија е прогласено второто највисоко ниво на предупредување „Чарли“. По дефиниција, ова ниво на тревога значи дека можеби имало инцидент или разузнавачки информации кои укажуваат дека е многу веројатна терористичка акција против организација или персонал на НАТО. Портпарол на базата изјави дека зголемениот степен на безбедност доаѓа по разузнавачки информации кои укажуваат на можна закана. Сите вработени кои не биле неопходни се испратени дома. „Безбедноста на нашите вработени е наш главен приоритет. Операциите продолжуваат според планираното“, напиша здружението Авакс на платформата X.

„Чиста мерка на претпазливост“

„Ова не е причина за загриженост и е чисто мерка на претпазливост за да се осигураме дека можеме да продолжиме со нашите критични операции“, изјави портпарол на базата без да даде какви било други детали. Од полициски извори се потврдува дека полицијата презема мерки, но и оттаму нема други детали.

Во Гајленкирхен, во близина на Ахен, се стационирани авиони Авакс на НАТО. Мултинационалната единица врши воздушен и поморски надзор и се користи во мисии за водење на борбени авиони како еден вид летачки команден центар. НАТО има 14 вакви преправени авиони Боинг 707. Летечките системи за рано предупредување редовно се користат и на источната граница на територијата на алијансата, во близина на Русија и Украина.