Автопроизводители ќе штедат и покрај рекордните приходи

Човек ќе помисли дека единственото што ги мачи германските автомобилски производители е - притисокот на успехот. БеЕмВе, Фолксваген и Дајмлер минатата година остварија приходи од 400 милијарди евра. Но, и покрај тоа, на некој начин, се незадоволни. Зборуваат за штедење, поголема ефикасност и продуктивност. И зачудувачки, и синдикатите се согласуваат со тоа.

Во Фолксваген треба да се заштедат 5 милијарди евра. Во компанијата сакаат до 2018 година да ја надминат Тојота и да станат лидери на светскиот пазар. Затоа треба да расте приходот. Но, патот до таму е условен од дискусиите меѓу раководството на концернот и работничкиот совет.

Шефот на концернот Винтеркорн сака да ги намали работните трошоци. Во минатите години тие растеле побрзо од продуктивноста, вели тој.

Но, Работничкиот совет во Фолксваген се противи. Можностите за подобрување тој ги гледа во менаџирањето на фабриките и во организацијата на работата.

Слични дискусии се водат и во Дајмлер. И во БеЕмВе. Таму дури се размислува и за укинување на паузата за ужина. Со оглед на рекордните приходи ваквите планови за штедење би можеле да доведат до големо незадоволство кај работниците.