Бундестагот дебатира околу европскиот чадор за спас
8 септември 2011
Во предлогот на владата, меѓутоа, досега нема правило со кое ќе се регулира правото на глас на Бундестагот во примената на чадорот за спас. Коалиционите партнери ЦДУ/ЦСУ и ФДП намерно го оставија овој дел отворен, за да можат да ја земат предвид пресудата на Уставниот суд околу германската помош за Грција и учеството во чадорот за спас. Вчера, Уставниот суд пресуди дека германското учество во помошта е во согласност со Уставот. Сепак, судиите наложија при идни акции за спас Бундестагот да биде вклучен повеќе во процесот на одлучување. Денеска на дневен ред во парламентот е првото читање на предлог-законот за проширување на чадорот за спас, а законот треба да биде донесен на 29 септември. Согласноста на Бундестагот важи за сигурна, со оглед на тоа што опозиционите социјалдемократи и зелените веќе најавија дека ќе се изјаснат „за“ законот.
Автор: ЕМФ/ЖА/дв
Редактор: Симе Недевски