Кој победи на локалните избори во Хрватска?

Владејачката партија ХДЗ загуби и во четвртиот град по големина , Осјек , каде што победи независниот кандидат Бранимир Главаш.

Сепак тоа не го спречи владејачката Хрватска Демократска Заедница да прогласи успех на изборите .

„ХДЗ не само што потврди дека е најсилна партија туку и оти е сигурен победник на овие избори“ – изјави синоќа хрватскиот премиер и лидер на ХДЗ , Иво Санадер по соопштувањето на првичните резултати од изборите . Имено неговата партија остварила победа во осум од вкупно 20 жупании во државата, додека нејзиниот конкурент СПД со своите коалициони партнери води во шест жупании .

Сепак аналитичарите сметаат дека ХДЗ не остварила послаб резултат од очекуцваниот и оти е прехрабро да прогласи победа на изборите , со оглед дека остварила полоши резултати од опозицијата во четирите најголеми градови во земјата.

Таков став дели и хрватскиот претседател Стипе месиќ кој синоќа истотака истакна дека на изборите победила европската и демократска опција и партиите кои се ориентиртани кон европските стандарди а не само кон датумот за почеток на преговорите со ЕУ“

Лидерот на опозиционите Социјалдемократи Ивица Рачан истотака имаше што да каже за самопрогласувањето на Санадер за победник на изборите:

„ Манир на ХДЗ се големите ветувања кои не се исполнуваат. Така господинот Санадер веќе се прогласи за победник . Малку повеќе скромност и реаалност не е на одмет“ – изјави Рачан.

Некои лидери во редовите на опозицијата дури повикаа и на одржување на предвремени избори кои би требало да се одржат до крајот на оваа година , со што како што изјави синоќа се согласува и хрватскиот претседател Стипе Месиќ.

И додека сеуште се чека одговорот кој победи на локалните избори во Хрватска , едно е јасно: Одлуката за тоа кој ќе владее со општините во Хрватска во многу жупании ќе зависи од постизборните преговори , со оглед дека ниту една од големите коалиции таму нема освоено доволно гласови самостојно да управува со нив .