„Пандемијата на коронавирус ќе трае уште со недели и месеци“

Една недела по стапувањето во сила на опсежните мерки за ограничување на социјалните контакти, институтот Роберт Кох гледа пооптимистички на сузбивањето на епидемијата на коронавирус: „Кај мене секако сеуште постои оптимизам, и мислам дека е основан“, изјави шефот на Роберт Кох, Лотар Вилер денеска во Берлин. Тој очекува трендот да биде повоочлив до Велигден. Во изминатите денови процентуалниот раст на пријавени нови инфицирани стана полинеарен. Денеска Институтот има регистрирано вкупно 61.913 случаи на коронавирус во Германија, односно 4615 повеќе отколку вчера. Но, ова претставува зголемување под десет проценти, што е пониско во однос на деновите од изминатата недела. 

Повеќе:

Како да го зајакнете имунитетот среде пандемијата на коронавирусот?

СЗО вели „тестирајте“ на коронавирус, но имаат ли сите држави ресурси за тоа?

Меркел третпат негативна на Ковид-19, но останува во карантин

Но, Вилер истакна дека инструментите за сузбивање на епидемијата мора и натаму да останат во сила: „Овие стратегии и натаму се важечки и мора да бидат задржани“. Главна е забраната за контакти, потоа надградување на капацитетите за интензивна нега во болниците, како и посебна заштита на постари и болни лица. Пандемијата ќе трае уште со недели и месеци, изјави Вилер, а се очекува и растење на сегашната стапка на смртност од 0,8 проценти. До ноќеска на полноќ во Германија починале 583 лица, но се зголемува и бројот на оздравени – тој достигна до преку 16.000 лица.