Приштина се пишмани за укинување на царините кон Србија

Премиерот Албин Курти вечерва изјави дека неговата партија Самоопределување сакала да ги отстрани царините во фази, почнувајќи од недела, како гест на добра волја. Но коалицискиот партнер во владата, Демократската лига на Косово (ЛДК) сака царините да бидат веднаш и целосно укинати. Курти сака да го условува повлекувањето на тарифите со запирање на кампањата на Србија против признавањето на Косово. Коалициските партнери на крајот не успеаја да постигнат компромис.

„Без владина одлука, се останува како што беше. Царините од 100% остануваат“, изјави Курти. САД и ЕУ исто така бараат од Косово да ги укине царините и да ги продолжи разговорите со Белград за нормализирање на односите.
Американската владина агенција за странска помош денеска соопшти дека ја стопира имплементацијата на програмата вредна 49 милиони долари за финансирање на проекти во Косово. Српскиот претседател Александар Вучиќ претходно ја оцени најавата на Курти за постепено повлекување на царините како „трик“.