Фотографија на денот: Протест со соблекување

Италијанската авиокомпанија Алиталија замина во историјата. Компанијата наследничка - ИТА Ервејс, сака да го заземе местото на Алиталија врз грбот на своите вработени. Имено, помалку од 3000 од вкупно 10.000 вработени во Алиталија треба да бидат преземени во новата авиокомпанија. Притоа, под полоши услови.

Стјуардесата Кристина Погеси, која е претставничка на синдикатот, објаснува:

„На 15 октомври ни ја зедоа кожата. Ако ни ја земат униформата, значи дека ни зеле сѐ. За нас униформата е нешто што нѐ претставува во светот и секогаш ја носевме со гордост. Овде сме за да ја изразиме својата болка и солидарност со колегите кои беа принудени од страна на ИТА да потпишат понижувачки договори.“