ټولنهایران
ايران: يوه ښځه د بې حجابۍ له کبله په درو وهلو محکومه شوه
۱۴۰۲ شهریور ۱۹, یکشنبه
اعلان
زينب قاسمي په فبرورۍ مياشت کې د خلکو پام ځان ته اړولی و، ځکه چې د يوه لاريون پرمهال يې د وینا پر وخت خپل پوړنی د احتجاج په توګه پر ځمکې وغورځاوه.
د دغې پېښې ويډيو په انترنت کې ډېره لاس په لاس شوه. يادې مېرمن د انجينرانو د يوې اتحاديې پرضد مظاهره کوله چې هغه يې د مشرتابه ټاکنو ته نه ورپرېښودله ځکه چې پوړنی يې ګويا صحيح په سر کړی نه و.
وروسته له دې چې يو کال پخوا ايرانۍ کردۍ جينا مهسا اميني د پوليسو په توقيف کې ساه ورکړه، ډېرېايرانۍ ښځې په لويو ښارونو کې د احتجاج په توګه د پوړني مکلفيت له پامه غورځوي، څو د اسلامي حاکم نظام په وړاندې ورديږي. اميني نيول شوې وه، ځکه چې د جامو اغوستلو د حاکمو مقرراتو پرضد يې ګوندې سرغړونه کړې وه.