روسان د پارلماني انتخاباتو په وروستۍ ورځ خپلې رايې ورکوي
۱۴۰۰ شهریور ۲۸, یکشنبه
په روسیه کې د انتخاباتو په شرایط برابر شاوخوا ۱۱۰ ميلیونه کسان حضور لري. په پام کې ده دوی به د نن ورځې تر پايه پورې د روسيې راتلونکو قانون جوړونکو له پاره خپلې رايې وکاروي. «دولتي دوما» یا د روسيې پارلمان ۴۵۰ څوکۍ لري. په دغو انتخاباتو کې د حاکم ګوند یعنې د «متحدې روسيې» ګوند بریا، یوه قطعي نتیجه ګڼل کيږي. دغه ګوند په تیرو دوو لسیزو کې د روسيې ولسمشر، ولادیمیر پوتین څخه ملاتړ کړی دی.
تصمیم نیونکو چارواکو ویلي دي چې د کرونا ویروس د خپریدو د مخنيوي په خاطر يې د رای ورکولو موده درې ورځې ټاکلې ده. خو د اپوزيسيون لوري بیا ويلي دي چې دغه اقدام کولی شي د رای ورکونې په بهیر کې تقلب ته زمینه مساعده کړي.
په پام کې ده د انتخاباتو د رای ورکونې وروستي مرکزونه، د روسيې پر وخت د ماښام په اتو بجو او د مرکزي اورپا په وخت د ماښام په ۷ بجو په کالينینګراد ښار کې وتړل شي.
په انتخاباتو کې خلکو ته دا سهولت برابر شوی وو چې وشي کړی د آنلاین له لارې هم خپلې رايې خپل د خوښې نوماند ته ورکړي. په پام کې ده د هغو رايو نتیجه به ژر د لاسرسي وړ وي چې په آنلان بڼه ورکول کيږي، البته د هغو رايو په پرتله چې د رایو په مرکزونو کې په حضوري ډول ورکول کیږي. د روسيې ولسمشر، ولاديمير پوتين هم خپله رايه په آنلاين طریقه ورکړې ده.
که په دغو انتخاباتو کې له يوې خوا د متحدې روسيې ګوند هڅه کوي چې د خپل ستر اکثریت څخه دفاع وکړي، له بلې خوا کمونيست ګوند هم هیله مند دی چې د کرملین د سیاستونو څخه د نارضايتيو د ډيرېدو له کبله به ډیرې رایې وګټي.
مخالف استازي تر ډيره حده له رای ورکولو څخه حذف شوي دي. د رای ورکولو يو تکتيکي پروګرام چې له زندان څخه د روسيې حکومت د مخالف رهبر، الکسي ناوالني له خوا په لاره اچول شوی وو، د ګوګل او اپل مغازو څخه حذف شوی دی.
ناوالني له خلکو غوښتي وو چې په ستراتيژيکه توګه هغو نوماندانو ته رایې ورکړي چې د کرملین د پلويانو په ګوښه کیدو کې تر ټولو ښه عمل ترسره کولی شي.