د نړۍ شل ځواکمني ښځې څوک دي؟

د آلمان صدراعظمه د شپږم کال له پاره د دې نوملړ په سر کې ځای لري. دا چې هغې په خپل هیواد کې ډیر شمیر کډوال ومنل او د اروپا مشري یې په لاس کې نیولې دي، د فوربس مجلې په حواله هغه لاملونه دي چې دا یې د نوملړ په سر کې راوستې ده.

د امریکا متحده ایالاتو د بهرنیو چارو پخوانۍ وزیره، د پخواني ولسمشر میرمن او په راتلونکې ولسمشریزو ټاکنو کې د دیموکراتانو احتمالي نومانده د فوربس د نوملړ دویم ځای لري.

دغه میرمن له ۲۰۱۴ کال راهیسې د امریکا متحده ایالاتو د مرکزي بانک مشري بر غاړه لري. هغه لومړي ښځه ده چې د دې بانک مشري یې پر غاړه اخیستې ده. هغه د فوربس نوملړ په دریم ځای کې ده.

د مایکروسافت شرکت د مشر میرمن ملیندا ګیتس، د خپل بشري فعالیتونو له کبله په نړۍ کې ډیر شهرت لري. هغه د «بیل او ملیندا ګیتس» سازمان د مشري په توګه فعالیت کوي.

دغه میرمن له ۳۶ کلونو راهیسې د جنرال موتورز شرکت له پاره کار کوي. هغه اوس د دې شرکت اجرائیه وي رییسه ده. هغه توانیدلې ده چې د جنرال موتورز شرکت د فروشاتو کچه لوړه کړي.

لاګارد د فرانسې په تاریخ کې لومړۍ ښځه وه چې د دارایي وزارت مسوولیت یې پر غاړه واخیست. هغه همداراز لومړۍ ښځه ده چې د پیسو د نړیوال صندوق مسوولیت یې هم پر غاړه اخسیتې ده. هغې د یورو کړکیچ پر مهال مهم نقش ولوبوه. د هغې د کار لومړي دوره پای ته رسیږي خو بیا هم د دې صندوق مشري ته نومانده ده.

سندبرګ له هارورد پوهنتون څخه فارغه شوې ده او په فیسبوک کې یې د عملیاتو د مشرې په توګه کار پیلولو مخکې د څو کلونو له پاره په کوګل کې کار کړی وو. هغه اوس د نړۍ د بډایه ښځو له ډلې څخه یوه ده چې د پیسو اندازه یې له یو میلیارد ډالرو څخه ډیره ده.

دا میرمن د ګوګل شرکت اجراییه وي رییسه ده او د ګوګل میرمنې په نوم شهرت لري. د ګوګل شرکت لومړی دفتر په ۱۹۹۸ کال کې د همدې میرمنې د کور په ګراج کې جوړ شوی دی.

ویتمن په ۲۰۱۰ کال کې د کلفورنیا د ګورنرې په توګه نومانده وه خو هغه د دې دندې په ترلاسه کولو و نه توانیده. خو هغه اوس هم ډیر ښه کار لري او د هیولت پاکارد شرکت رییسه ده. د دې شرکت کلنۍ ګټه ۵۲ میلیارده ډالره ده.

هغه د سانتاندر ډلې د مدیره هیت مشره ده. هغې به هارورد پوهنتون کې زده کړې کړي دي. هغې ته څو مجلو د اروپا د تر ټولو موثرې مدیرې لقب ورکړی دی.

جیني رومتي د «ای بي ام» شرکت یو ځل بیا ډیر ښه موقعیت ته ورسوه. هغه څلور کاله کیږي چې د دې شرکت مشري پر غاړه لري.

پارک ګون هي د سویلي کوریا لومړۍ ښځینه لومړۍ وزیره ده. د هغې هیواد د نړۍ څوارلسم لوی اقتصاد دی. هغه په ۲۰۱۳ کال کې د خپل هیواد مشره شوه.

میشل اوباما د امریکا متحده ایالاتو د ولسمشر د میرمنې په توګه له ډیر نفوذ څخه برخمنه ده. هغې د حقوق په رشته کې زده کړې کړي دي او سپینې ماڼۍ ته تر رسیدو وروسته یې ډیر ټولنیز کارونه ترسره کړي دي.

هغه د پیسي کو شرکت اجراییه وي رییس او د مدیره هیت مشره ده. د هغې شرکت په نړۍ کې د څښاک د تولید دویم تر ټولو لوی شرکت دی.

آرنتس د بربری ډلې د مشرې په توګه په ۲۰۱۳ کال کې شاوخوا ۲۰ میلیونه ډالر معاش ترلاسه کړ. هغه اوس د اپل شرکت د پلورنځایونو مشره شوې ده او د اپل شرکت دویمه صلاحیت لرونکي غړي ګڼل کیږي.

ابیګیل جانسون له ۲۰۱۴ کال راهیسې د «فیدلتي» شرکت اجراییه وي رییسه ده. تر هغې مخکې یې پلار د دې شرکت مشري پر غاړه لري. دغه شرکت د پانګونې په برخه کې دویم تر ټولو لوی شرکت دی.

تساس اینګ په اصل کې د پوهنتون استاده وه خو د تایوان په وروستیو ټاکنو کې د خپلې اصلي رقیب په ماتولو وتوانیده او د دې هیواد ولسمشره شوه.

هغه د لاتینې امریکا د یوه مهم اقتصادي هیواد ولسمشره ده. دغه ۶۴ کلنه سیاستواله وتوانیده چې د خپل ولسمشري په لومړیو ۱۰۰ ورځو کې ۵۰ اصلاحاتي موارد پیاده کړي.

موګریني لومړی د ایټالیا د بهرنیو چارو وزیرې او بیا د اروپايي ټولنې د بهرني سیاست د سرپرستې په توګه وښول چې د سیاست په ډګر کې ډیره لوړه توانایي لري. هغې له ایران سره د لویدیځې نړۍ په خبرو اترو کې مهم نقش لره.

سفرا کتز شپږ کلنه وه چې له اسرائیل څخه له خپلو والدینو سره یوځای امریکا متحده ایالاتو ته راغله. هغه اوس د اوراکل شرکت مشري پر غاړه لري. د هغې شرکت په نړۍ کې د پروګرامونو جوړولو له لویو شرکتونو څخه یو دی.