شخړيایران
ناپېژاندو وسلوالو په اېران کې ۹ پاکستاني اتباع وژلي
۱۴۰۲ بهمن ۸, یکشنبه
اعلان
د ایران د سیستان بلوچستان ایالت د والي یوه ویاند د شنبې په ورځ ایسنا خبري آژانس ته ومنله چې په دغه پېښه کې ۹ کسان وژل شوي او ۳ نور ټپیان دي. ایران دغه ایالت پاکستان سره ګډه پوله لري.
د آلمان خبري آژانس په حواله، درې شکمن وسلوال په سراوان سیمه کې د پاکستاني وګړو یوه شخصي کور ته دننه شوي او پر هغوی ېې ډزې کړي دي. رپوټ زیاتوي چې حمله کونکي لا تر اوسه نه دي پېژندل شوي او د حملې انګیزه هم روښانه نه ده.
د ايران د بهرنیو چارو وزارت ويلي دي چې دغه پېښه د ایران او پاکستان تر منځ د راپورته شوو وروستيو جنجالونو سره تړاو نه لري. دغه وزارت پر ایکس شبکې ليکلي: «ایران دغه پېښه په کلکه غندي او د قربانيانو له کورنيو سره خپله خواخوږي شریکوي.»
(dpa)/mks/aa/