اروپايي اتحاديي پر ایران بندیزونه سخت کړي دي
۱۴۰۱ آذر ۲۲, سهشنبه
په هغه اعلامیه کې چې د دوشنبې په ورځ د اروپايي اتحادیې په رسمي نشریه کې خپره شوې ده، دغې اتحاديي د ایران پر وړاندې خپل بندیزونه لا زیات شدید کړي دي.
د خپرې شوې اعلامیې پر اساس دغه تعزیرات پر لسګونو ایراني چارواکو او بنسټونو د هغو له جملې څخه د سپاه پاسداران پر مسئولینو او د دغه هیواد د دولتي راډویو تلویزون (صدا و سیما) پر شبکې چې د ایران د حکومت یو تبلیغاتي مرجع ګڼل کیږي لګول شوي دي.
وروسته له دې چې د ایران قضایه قوې د دوشنبې په ورځ د اعتراضونو اړوند د دویم اعدام عملي کیدل اعلان کړل، د اروپايي اتحادیي د غړو هیوادونو د بهرنیو چارو وزیرانو د نوو بندیزونو په هکله تصمیم ونیوه.
په ایران کې یو لاریون کوونکی اعدام شوی دی
د اروپايي اتحادیي د بهرنیو چارو مسئول جوزپ بورل، مظاهره کوونکو ته د اعدام سزا په بشپړ ډول «د نه منلو وړ بللی» او هغه یي غندلی دی.
په ایران کې دویم اعتراض کوونکی هم اعدام شو
د اروپايي اتحادیي د خبرپاڼې پر اساس نوي بندیزونه دوه برخې لري. د اعتراض کوونکو پر وړاندې د تاوتریخوالي په دلیل، د ۲۰ ایراني چارواکو شتمنۍ کنګل او د ایران صدا و سیما شبکه بنده شوې او همدارنګه د دوی پر وړاندې سفري بندیز لګول شوي دي.
سربیره پر دې روسیې ته د بی پیلوټه الوتکو (ډرونونو) د سپارلو له کبله د اروپا د بهرنیو چارو وزیرانو ۸ ایرانیان او د یوه بل بنسټ مشر د بندیزونو په فهرست کې شامل کړي دي.
ایران د دوشنبې په ورځ د یوه بل ۲۳ کلن ځوان چې د دولت ضد اعتراضونو کې یي ګډون کړی وو د اعدامولو خبر وکړ. د آلمان د بهرنیو چارو وزیرې انالینا بیربوک په بروکسل کې وویل: «د دې احتمال شته چې د ویرې او ډار خپرولو له پاره لا زیات اعدامونه ترسره شي.»
د تهران رژیم پر دويم مظاهره کونکي د اعدام حکم عملي کړ
د سپټمبر پر ۱۶ نېټه د کردي لږکۍ پورې اړوندې ژینا مهسا امیني تر مړينې وروسته د ټول ایران په کچه ولسي اعتراضونه پيل شول او تر اوسه پورې دوام لري. د دغو اعتراضونو له کبله په زرګونو کسان نیول شوي او سلګونو نور بیا د دغو مظاهرو پر مهال وژل شوي دي.
دغه ۲۲ کلنه نجلې د مناسب پوړني یا څادر نه درلودلو له امله د ایران د »ګشت ارشاد« یا اخلاقي پولیسو له خوا نیول شوې وه او د پولیسو په توقیف کې یې خپل ژوند له لاسه ورکړی و.
مخکې تر دې د تیرې پنجشنبې په ورځ د رپ موسیقۍ یو هنرمند محسن شکاري اعدام شوی و. پر هغه تور لګول شوی و چې د راټولو شوو کسانو څخه پر یوه یي د چاقو برید کړی او یو سړک یي بند کړی و.
آژانسونه: ش.ن/ن.ز