په سویلي کوريا کي يوه لوړ پوړې ودانۍ د اور په لمبو کې
۱۳۹۹ مهر ۱۸, جمعه
د سويلي کوریا د تلويزون له خوا په خپرو شويو عکسونو کي ښودل شوې چې د دغه هیواد په بندري او صنعتي ښار اولزان کې د يوې لوړپوړې ودانې يو اړخ کې د اور لمبې پورته کيږې. سمټي ديوالونه کوڅې ته راچپه شوی.
د یونهاپ خبري آژانس د خبر له مخې ۸۸ کسان روغتون ته لیږدول شوی چې ډير کسان لږ ټپیان وو او ځينو يې د لوګو له کبله تنفسی ستونزي درلودې. د سويلي کوريا په سويل ختيځ ميلیوني ښار په دغه اور لګيدنه کې د تلفاتو په اړه لا تر اوسه خبر نه دی ورکړل شوی.
د اطفايي کسان او مرسته رسونکي په دغه ودانۍ کې نور اوسیدونکي لټوي. د يونهاپ د معلوماتو له مخې وضعيت لا معلوم نه دې. دغه راز لاهم تر ساعتونو وروسته د اور لمبې په بشپړ ډول له منځه نه دي تللي.
د اطفايې کارکونکی کوښښ کوي چې د اور لمبې خاموشه کړي. داسی اټکل کيږې چې اور د اتم او دولسم پوړ په منځ کې لګيدلې وو، په چټکۍ سره پورته پراخ شوې او د اور لمبو زور اخیستې.
اور داسي زورور وو چې ديوالونه داسي سوځیدلي لکه د کاغذ پاني. تر پنځوس کسانو پوري ښاي د ودانۍ پورتنۍ برخې چت ته تښتیدلې وې چې ځانونه وژغورې. یونهاپ د يو اوسیدونکي له خولې وايې چې دغه اور ناڅاپې لګيدلې:«په دغه لوړ پوړې ودانۍ کې ښاي ۱۳۶ اپارتمانونه وي.»يو بل عيني شاهد دغه حالت داسي انځوروي،دیوالونه داسي سوځیدل لکه کاغذي پاڼي.
د اولزان عکسونه د لندن ګرینفيل توورس کې د دریو کالو پخوا سختې ویجاړونکي اورلګیدنې ياد تازه کوي. په دغه وخت کې د اورلمبې په ډيرې چټکې د لوړپوړې ودانۍ پر ديوالونو پورته شوی او ډير ژر پراخه شوې چې له کبله يې ۷۲ کسانو خپل ژوند له لاسه ورکړ.