طالبان نه منو، که هغه په کابل کې وي که په تهران کې

د ایټالیا د پلازمېنې روم یو شمیر اوسیدونکو له افغان او ایراني ښځو سره خپل ملاتړ او پيوستون څرګند کړ. په دغو پلاکاټو کې په افغانستان کې د نجونو پر تعلیم د بندیز لګول کیدو پریکړه غندل شوې او په فارسي او نورو ژبو د «ښځې، ژوند، آزادۍ» شعارونه لیکل شوي دي.

د ایران د القدس ځواکونو د پخواني قوماندان جنرال سلیماني تر تلین مخکې د هغه په یاد کې لګول شوي لوحې د اپوزیسیون له تشدده ډکو مظاهرو کې په نښه کړای شول. په دې وروستیو کې د مظاهرو پر مهال څو ځله د اعتراض په توګه د سلیماني انځورونه سوزول شوي دي.

د ایران د سطرنج لوبې اتله سارا خادم الشریعه چې د قزافستان په پلازمېنې الماتا کې د سطرنج د نړیوال جام په سیالیو کې بی له حجابه د ایران له بیرغ سره ګډون وکړ غواړي هسپانيا ته مهاجره شي. تر علي رضا فیروزجا وروسته دا په ایران کې د سطرنج تر ټولو دویمه پیاوړې لوبغاړې ده، چې د خپل هیواد نوم یي روښانه کړی دی.

د دانشجو خبري آژانس په وینا، د تهران د آزاد پوهنتون د بسیج دفتر ته (د دسمبر میاشتې پر ۲۹ نیټه) سهار ۴ بجې د یوه نامعلوم کس له خوا اور اچول شوی وو. ویل کیږي دغه کس پوهنتون ته تر ننوتلو وروسته پر دفتر له اورلګونکي موادو سره برید کړی دی. اور د ښځو او د بسیج دفتر بهرنۍ برخې ته زیان اړولی دی.

په فرانسه کې د میشت ایراني محصل تر ځان وژنې وروسته حامد اسماعیلیون ولیکل: «کاش ستا له دې پریکړې مخکې ما تاسره لیدلي وای او تا ته مې ویلي وای چې موږ دوی ته ماته ورکوو. ستا د قیمتي او خوږ ژوند په ضایع کیدو سل ځله افسوس کوم.» ډیر شمیر ایرانیانو او د لیون ښار اوسیدونکو د محمد مرادي په یاد کې شمعې روښانه کړې.

دا د لندن، پاریس یا نیویارک کومه کوڅه نه ده. دا د کریسمس لومړۍ ورځ یعنې د دسمبر ۲۵ نیټه او د ایران د مرزایې شیرازي سړک دی.

د ایراني جشن یلدا څخه لږ مخکې یو شمیر ایرانیان د هالنډ پارلمان مخته را ټول شول او تمثیل یي کړ چې په ایران کې له مظاهره کوونکو سره څه کیږي. په غاړه پړی، لاسونه تر شا تړلي او له سترګو نه وینې بهیږي، او د ایران د اعدام تخته په داسې حال کې تمثیل شوې چې پر پړي د اروپايي اتحادیي قیچي نښلول شوې ده. له دې سره دوی اروپا ته اشاره کوله چې په ایران کې د اعدام سزا او مظاهرینو د ځپلو پر وړاندې یو څه وکړي.

په برلین کې د ښځو د حقونو فعالانو په ایران کې د مظاهرو او سیاسي بندیانو په ملاتړ کې مظاهرې وکړې. په بندي شوو مظاهره کوونکو کې پر یو شمیر یي د جګړې او فساد خپرولو تورونه لګول شوي دي او ایران د دغو کسانو د اعدامولو اراده لري.

په کلکته کې د هند د ډیموکراټیکو محصلینو فدراسیون د ایراني ښځو د اعتراضي حرکت ملاتړ وکړ. پر جنسیتي تبعیض او پلار واکې ټولنې له انتقاد کولو سره، هندوستاني محصلینو په ایران کې له ولسي پاڅون سره د پيوستون اعلان وکړ.

په ډیر شمیر کې ایرانیانو د المان په فرانکفورت ښار کې د ایران قونسلګرۍ مخې ته خیمې وهلي او د نه خوړلو اعتصاب او پرلت یي کړی دی. په دوی کې یو شمیر يي د ۲۱ ورځو راهیسې د نه خوړلو اعتصاب ته دوام ورکړی دی.