په بیجینګ کې د ایران او عربستان د بهرنیو چارو وزیرانو غونډه
۱۴۰۲ فروردین ۱۷, پنجشنبه
د ایراني رسنیو په حواله، حسین امیرعبدالله او فیصل بن فرحان په بیجینګ کې له یو بل سره وکتل او خبرې یې وکړې. د ايران او سعودي عربستان د بهرنیو چارو وزیرانو تر منځ له اوو کلونو وروسته د ډیپلوماتیکو اړیکو د عادي کېدو په اړه د یوې اعلامیې په لاسلیکولو سره لومړۍ غونډه وسوه.
اړوندمطالب:تهران او ریاض؛ د سفارتونو او قونسلګریو بيا پرانیستلو ته چمتووالی
د ایران د اسلامي جمهوریت د بهرنیو چارو وزیر حسین امیر عبدالهان د پنجشنبې په ورځ په بیجینګ کې له خپل سعودي سیال فیصل بن فرحان سره وکتل.
عبداللهیان د چهارشنبې په ماښام له یوه پلاوي سره د چین پلازمېنې ته ورسېد. د چین په منځګړیتوب د دواړو هيوادونو ترمنځ د سوې هوکړې د عملي کېدو او همدارنګه د دواړو هيوادونو د سفارتونو او قونسلګریو د بیا پرانستلو په اړه خبرې سوې دي.
دا په ډيپلوماتيکه برخه کې تر اووه کلن ځنډ وروسته د دواړو هيوادونو د چارواکو لومړۍ رسمي غونډه وه.
دواړو خواوو له چین سره ګډه اعلامیه لاسلیک کړه چې پکې د نورو شیانو تر څنګ په تهران او ریاض کې د سفارتونو او په مشهد او جده کې د قونسلګریو د پرانستلو له پاره اړین اقدامات شامل دي.
اړوند مطالب:چين و ايران او سعودي ته پر خپلمنځي جوړجاړي تبريک ووايه
په خبرپاڼه کې ویل سوي دي چې د ایران او سعودي عربستان د تخنیکي پلاوي ترمنځ باید لازمه همږغي رامنځته سي، څو د دواړو هيوادونو ترمنځ د الوتنو د بیا پیلولو، د رسمي پلاوي د دوه اړخیزو سفرونو او د خصوصي سکټور د تمویل په برخه کې همکاري دوام ومومي.
د بېجينګ د موافقې عملي کول او د سيمې د ثبات او امنيت د ساتلو په شمول د اعتماد او متقابلو همکاريو د پراختيا په اړه د هغې فعالول د دغې اعلاميې له احکامو څخه دي.
په دې اعلاميه کې دواړو لورو د دواړو هيوادونو ترمنځ د همکاريو د پراختيا په لاره کې د ټولو خنډونو د له منځه وړلو له پاره پر خپل چمتووالي ټينګار کړى دى.
ویل سوي دي چې د دواړو خواوو له لوي د غونډې ځای ځکه بیجینګ انتخاب سوي دی چي چين د ایران او سعودي عربستان ترمنځ «یوې موافقې ته د رسېدو او اړیکو د اسانولو په برخه کې مثبت رول لوبولی دی.
د دویچه ویله فیس بوک پاڼې سره ملګري سي
د چین ولسمشر شي جین پینګ د سعودي عربستان له ولیعهد محمد بن سلمان سره په ټلیفوني تماس کې ژمنه وکړه چې د دواړو خواوو ترمنځ په روانو خبرو کې به همکاري وکړي.
د تېر کال د مارچ مياشتي پر ۱۹مه نېټه د چين په منځګړيتوب ايران او سعودي عربستان موافقه وکړه چې د دوو مياشتو په موده کې به خپل سفارتونه او ډيپلوماتيک ماموريتونه بېرته پرانيزي.
چين د سعودي عربستان يو مهم سوداګريز ملګری دی او سعودي عربستان د چين د انرژۍ د اړتياوو په پوره کولو کې مهم رول لوبوي.
په بیجینګ کې د ایران او سعودي عربستان د بهرنیو چارو وزیرانو غونډه په داسې حال کې کېږي چې ریاض له امریکا سره خپلې اړیکې تودې ساتلې دي.
د روان کال د اپریل مياشتي په لومړیو کې د امریکا متحده ایالاتو او سعودي عربستان په ریاض کې په یوه نوي پوځي ازمایښتي مرکز کې د بې پیلوټه الوتکو ضد ګډ تمرینات ترسره کړل چې د خپل ډول لومړنی تمرین و چې د دواړو هیوادونو پوځونه پکې برخه اخلي.
د تهران او ریاض ترمنځ ډیپلوماتیکې اړیکې په ۲۰۱۴م کال کې په تهران کې د سعودي پر سفارت او په مشهد کې د سعودي پر کونسلګرۍ تر برید وروسته قطعه سوې. دا برید د سعودي عربستان د حکومت له خوا د شیعه عالم شیخ نمر باقر النمر د اعدامولو په غبرګون کې سوی وو.
ژباړه:صفت الله زاهدي