اروپايي اتحاديې د روسيې پر ضد پر نوو تحریمونو توافق وکړ
۱۴۰۱ اسفند ۶, شنبه
نوي تحریمونه لا تر اوسه اجرايي شوي نه دي، ځکه چې پر جزئیاتو يې لا د اتحاديې د غړو تر منځ بحثونه ادامه لري. په نوو تحريمونو کې د هغو مالونو د صادراتو سختول شامل دي چې پوځي او غیرپوځي مصرف لري.
د اروپا د کمیسیون مشرې، اورزولا فون ديرلاین، د جمعې په ورځ د استونیا پلازمينه تالین کې وویل: «روسیه د نړۍ یو منزوي اقتصاد ته د ورګرځېدو په حال کې ده. زموږ تحریمونه د روسيې اقتصادي بنسټ او د اقتصاد د عصري کولو راتلونکې په شدت سره محدودوي.»
په دې ارتباط نور:چين د روسيې او اوکراين ترمنځ اوربند او د سولې خبرې وغوښتې
هغې زیاته کړه چې اروپايي اتحاديه به پر روسيه او هغو کسانو چې د جګړې په ډګر کې له روسيې څخه ملاتړ کوي، خپلو فشارونو ته ادامه ورکړي.
فون دیرلاین وويل چې نوي تحریمونه چې کابو د څه باندې ۱۱ میليارډ یورو په ارزښت دي، د مبادلاتو په برخه کې دي چې برقي سامان، برقي موتورونه او د لاريو د پرزو په څير اقلام په بر کې نیسي.
په دې ارتباط نور:ملګرو ملتونو له اوکراین څخه د روسیې د وتلو غوښتنه وکړه
اروپايي اتحاديې د ۲۰۲۲م کال د فبرورۍ په ۲۴مه پر اوکراین د روسيې د پوځي یرغل راوروسته پر مسکو وار په وار خپل تحریمونه ډیر کړل.
د اوکراین د اقتصاد وزيرې جولیا سویردنکو، بروکسل ته د خپل سفر پر مهال پر روسيې د اروپايي اتحاديې نوي تحریمونه وارزول خو هغه يې کافي ونه ګڼل. هغې ټینګار وکړ چې د روسيې پر اټومي، مالي او د الماسو د وارداتو پر برخو دې لا ډير تحریمونه ولګول شي.
دویچه ويله ف/م.ک.ص./م.ن.ص.
د اوکراین جګړې په تړاو له آرشیف څخه یو انځوریز البوم: