اسرائيلي چارواکی: ايران غواړي له سوريې وسلې راتېرې کړي

اسرائيل په دې ترڅ کې پر غزې متقابل بريد ته چمتوالی نيسي.

پر ايکس ټولنيزې رسنۍ يوې ليکنې ته په ځواب کې چې دغه ډول يوه سناريو پکې مطرح شوې وه، جوشوا زارکا، چې د اسرائيل د بهرنيو چارو وزارت د ستراتيژيکو چارو رئيس دی، وويل چې »دوی (ايرانيان) لګيا دي.«

په اصلي پوست کې دا هم راغلي وو چې »اسرائيليان ژمن دي چې مخه يې ونیسي.« دغې خبرې ته زارکا ځواب ورکړ چې »موږ لګيا يو.«

دا په داسې حال کې ده چې سوريې پر اسرائيل تور لګولی چې تېره اوونۍ يې د دمشق او حلب پر هوايي ډګرونو بريدونه ترسره کړي دي.