سياستتایوان
تایوان: د چين پر ډرون الوتکو مو د خبرداري ډزې کړي
۱۴۰۱ شهریور ۹, چهارشنبه
اعلان
د تایوان پوځ په یوه اعلامېه کې ويلي دي چې پوځ د سه شنبې په ورځ وروسته له هغې په دغه اقدام لاس پوري کړ چې د کنمین ټاپوګانو پر سر ېې په هوا کې ولاړې ډرون ولېدې.
په اعلامېه کې زياته شوې چې تر ډزو وروسته، ډرون الوتکې د چين نژدې ښار، شیامن، ته ولاړې. تایوان مخکې هم د خبردارۍ دا ډول ډزې کړي چې پکې ېوازې له رڼا ورکوونکو ګولیو یا فیشنګونو استفاده شوې ده.
د تايوان او چین تر منځ وضعیت وروسته له هغې ډير خراب شوی چې د امریکا د استازو مجلس مشره، نانسي پلوسي تیره میاشت د چین پر مخالفت سربېره تایوان ته ولاړه. چېن تر هغې وروسته د تایوان په شاوخوا کې پراخ پوځي تمرینات وکړل.
د تایوان دفاع وزارت وايي د چين دغه اقدامات چې د دغه ټاپويي هیواد د ۳۲ میليونه نفوس د ډارولو په مقصد دي، ناکام دي. تایوان په تایوان تنګي کې د کينمن او ماتسو پر ټاپوګانو پراخ کنټرول لري.