د بابري مسجد پر ځای درمسال جوړيږيد هند لومړي وزير نريندر مودي يوه کميټه جوړه کړې، څو په ايودهيا کې د وران شوي بابري مسجد پر ځای يو درمسال جوړ کړي. په دې انځورونو کې هغه لانجې ته کتنه شوې ده چې د ۱۶ پيړۍ د دې مسجد له ورانولو سره پېل شوې ده.انځور: DW/S. Mishraپه ايودهيا کې د بابري مسجد په ساحه کې امنيتي ځواکونهد ۱۶ پيړۍ د دغه مسجد په ساحه کې به هندوانو تل گډوډي رامنځته کوله. هغوی دا عقيده لري چې ايودهيا د رام د زيږيدو ځای دی. تندلارو هندوانو تل دا ادعا کوله چې بابري مسجد په اصل کې د هندوانو د يوه درمسال تر ورانولو وروسته د هغه پر ځای جوړ شوی دی.انځور: picture-alliance/AP Photo/B. Waltonهندوان د بابري مسجد د ورانولو په حال کېد ۱۹۹۲م کال په دسمبر میاشت کې تندلارو هندوانو بابري جومات وران کړ. د دې په تعقيب کې په ټول هند کې د تاوتريخوالې ډکې پېښې رامنځته شوې چې ۲۰۰۰ انسانان پکې ووژل شول.انځور: Getty Images/AFP/D. E. Curranد بابري مسجد د ورانولو پر ضد مظاهرېد بابري مسجد د ورانولو پر ضد يوه مظاهره کې د هند د مشرانو عکسونو ته اور اچول شوی دی. جهادي ډلو په ۱۹۹۳م کال کې د ممبي بريدونه او په ۱۹۹۰م لسیزه کې نوري حملې د دې جومات د ورانولو د دليل په توگه يادولې.انځور: picture-alliance/dpa/epa/P. Adhikaryپه ايودهيا ښار کې سخت امنيتي تدابيرد ۲۰۱۹م کال په نوامبر میاشت کې د سترې محکمې تر پريکړې مخکې په ښار کې سخت امنيتي تدابير نيول شوي ول. سترې محکمې په خپله پريکړه کې وويل چې دغه لانجمنه ځمکه به يوې حکومتي خیريه موسسې ته ورکړل شي او هغه به پرې د يوه درمسال جوړولو چارې پر مخ يوسي.انځور: DW/S. Mishraانځورونه1 | 4انځورونهسياست۱۳۹۸/۱۱/۱۷۱۳۹۸ بهمن ۱۷, پنجشنبهhttps://p.dw.com/p/3XLFkاعلاند روان میلادي کال د فيبرورۍ پر پنځمه نيټه نريندر مودي اعلان وکړ چې حکومت د يوې کمیټې جوړولو پريکړه کړې چې هغه به د هند په شمالي ښار ايودهيا کې د وران شوي جومات پر ځای د يوه مندر يا درمسال جوړولو چارې پر مخ يوسي. د ۲۰۱۹م کال په نوامبر مياشت کې د هند سترې محکمې په خپله پريکړه کې د ۱۶ پيړۍ د بابري مسجد پر ځمکه د يوه مندر جوړولو اجازه ورکړې وه. دغه جومات په ۱۹۹۲م کال کې تندلارو هندوانو وران کړ. پارلمان ته د وينا پر مهال مودي وويل چې ۵ ايکړه چې څه نا څه ۲۰ زره مربع متره ځمکه ده، به د سُني وقف بورډ ته چې هندوان ته د دې ځمکې له ورکړې سر سخته مخالفين دي، ورکړل شي او پر نوره پاته ۶۷،۷ ايکړه ځمکه به يو مندر يا درمسال جوړ شي.
