د آلمان ایالتونه غواړي د غیر قانوني مهاجرت مخه ونيول شي
۱۴۰۲ فروردین ۳۱, پنجشنبه
د آلمان د ايالتونو او سيمو د استازو په ګډون يوې کاري ډلې د آلمان د کورنيو چارو له وزيري نانسي فیزر څخه غوښتي دي چي دغه هيواد ته د غير قانوني مهاجرت د مخنيوي له پاره بيړني اقدامات ترسره کړي.
د مهاجرو د دوو کښتیو ډوبیدو په پایله کې ۴ تنه مړه او ۲۳ لادرکه دي
د آلمان د بيلد ورځپاڼي په راپور کې راغلي دي چې د دغه هيواد د ایالتونو غوښتنه دا ده چې د اروپايي ټولنې د بهرنیو پولو ساتنه وکړي او په دې نظر دي چې که دا اقدام عملي نه شي، باید نورې لارې چارې ولټول شي او یا هم د غیر قانوني مهاجرو د مخنیوي له پاره د داخلي پولو پر کنټرول غور وکړي او یوه داسې چاره هم پیدا کړي چې د مخه یې د یادو مهاجرینو د بیرته لیږدولو امکان برابر شي.
بریتانیا ته د سمندري لارو مهاجرت د محدودولو نوې طرحه
په ورته وخت کې د جرمني د ایالتونو استازي هم غوښتنه کوي چې د نویو راغلو پناه غوښتونکو ثبت او پیژندنه دې په ځانګړو مرکزونو کې وشي.
د دې ترڅنګ دغو استازو ویلي دي چې د مهاجرت تړون باید له هغو هیوادونو سره وشي چې له لاري يې آلمان ته مجرم کډوال راځي.
د دې تر څنګ دوی غواړي دا ممکنه کړي چې د جنګ ځپلو هیوادنو لکه افغانستان، لیبیا او سوریې رد شوي پناه غوښتونکي بیرته خپلو هیوادنو ته ولیږي.
دغې کاري ډلې پریکړه کړې چې ګرجستان، مراکش، الجزایر او تونس باید د اصلي خوندي هیوادونو په توګه طبقه بندي شي.
د بیلډ ورځپاڼې د پوښتنې په ځواب کې د آلمان د کورنیو چارو وزارت ویلي دي چې یاد شوي مسایل د کورنیو چارو وزارت رسمي راپور نه دی، بلکې یو "کاري سند" ګڼل کېږي.