د نړۍ شپږ ژوندي نایابه مخلوقات

دغه مار د سعودي عربستان په لويديځ کې موندل شوی او سږکال خلکو ته وښودل شو. دا مار په وچو غرنيو سیمو کې ژوند کوي. دا پر سر دوې تورې نښې لري چې داسې ښکاري لکه نقاب ېې چې پر سر کړی وي.

د اوږدې غاړې درلودونکی دغه کشیپ يوازې د اندونیزیا په روټ جزيره کې پيدا کیږي. د اوږدې غاړې لرلو په دليل ټول ځان ېې تر محافظتي کپوړې لاندې نه ځايږي. د دغو کشيپانو د نسل بقا له خطر سره مخ ده.

پروبوسیس بيزوګانې هم د نړۍ د موجوده عجیبه ژونديو مخلوقاتو په ډله کې راځي. دغه بيزوګانې د آسیا په جنوب شرقي ټاپو بورنیو کې ژوند کوي.

د بریتانیا ګالاګاپوس محافظتي صندوق وايي کله چې تاسو د سرو شونډو لرونکی کب وينۍ نو داسې فکر کوئ چې یا ېې وينه څښکلې او یا یې لبسیرن وهلی. دغه کبان د آرام سمندر په ګالاپاګوس ټاپو په اوبو کې ژوند کوي. دوی کوچني کبان او یو ډول سمندري چنګاښونه ښکار کوي.

دغه بيزو د هغو حیواناتو په ډله کې راځي چې انسانانو سره ډېر شباهت لري. د دغه نسل بيزوګانو بقا له خطر سره مخ ده. خو په شمېر کې ېې کموالی نه دی راغلی.

د دغه فليپيني عقاب عمر کابو ۳۲ کاله دی. د حیرانتیا خبره دا ده چې د فليپيني عقاب خوراک بيزوګانې او نور نسبتاً لوی جسامت لرونکي حیوانات دي. د دغو عقابونو د نسل ادامه هم له خطر سره مخ ده. اوس په نړۍ کې دا ډول یوازې څو سوه عقابان شته.