هغه هیوادونه چې ډیر داخلي بې ځایه شوي لري

کولمبیا د نږدې ۷،۵ میلیونو داخلي بې ځایه شویو کسانو په لرلو سره په نړۍ کې لومړی هیواد دی چې ډیر داخلي بې ځایه شوي لري.

سوریه هم په دې وروستیو کې د جګړو له امله نږدې د ۶ نیم میلیونه داخلي بې ځایه شویو کسانو په لرلو سره دوهم مقام لري.

عراق هم د ناامنیو او جګړو له امله ۳،۶ میلیونه داخلي بې ځایه شوي لري او په دریم مقام کې دی.

د افریقا په لویه وچه کې د کانګو جمهوریت هم شاوخوا ۲،۲ میلیونه داخلي بې ځایه شوي لري او په څلورم مقام کې دی.

سوډان هم د شاوخوا ۲،۲ میلیونو داخلي بې ځايه شوو کسانو په لرلو سره پنځم مقام خپل کړی دی.

نایجیریا هم د ۲،۲ میلیونو داخلي بې ځایه شوو کسانو په لرلو سره په شپږم مقام کې دی.

یمن هم د جګړو له امله شاوخوا ۲ میلیونه داخلي بې ځایه شوي لري.

جنوبي سوډان هم د شاوخوا ۱،۸ میلیونه داخلي بې ځایه شوو کسانو په لرلو سره په اتم ځای کې دی.

اوکراین هم د ۱،۸ میلیونه داخلي بې ځایه شوو کسانو په لرلو سره په نړۍ نهم ځای لري.

افغانستان هم له بده مرغه د جګړو او نا امنیو له امله شاوخوا ۱،۷ میلیونه داخلي بې ځایه کسان لري او د نړۍ په کچه لسم هیواد دی چې ډیر داخلي بې ځایه شوي کسان لري. دغه معلومات د مهاجرینو له پاره د ملګرو ملتونو عالي کمیشنرۍ (UNHCR) را ټول کړي.