Finlanda mund të ashpërsojë ligjin për mbajtjen e armëve

Pas amokut në një shkollë në Finlandë kryeministri finlandez Matti Vanhanen do të shqyrtojë ligjin për armët. Në një konferencë për shtyp ai tha, se kjo veper do të influencojë me siguri mendimin për mbajtjen e armëve. Deri tani Vanhanen vetë e kishte kundërshtuar ashpërsimin e ligjit duke iu referuar përqindjes së ulët të kriminalitetit në vend. Një nxënës 18 vjeçar vrau të mërkurën tetë vetë në një shkollë në jug të vendit. Veprën e kishte shpallur më parë në internet. Shkolla në Tuusula qëndron e mbyllur deri javën e ardhshme. Në të gjitha ndërtesat publike të vendit flamujt janë vënë në gjysëm shtizë.