Fytyrat e reja të Balkan Booster

“Nëse nuk gjen ndonjë mënyrë tjetër, atëherë bëje vetë”, është motoja e Viktorias (majtas), gazetare televizive me përvojë nga Shkupi, që do librat dhe muzikën. Në aventurën Balkan Booster ajo nuk do të jetë vetëm, por me Melisën - gazetare nga Tirana. Motoja e Melisës është “Mendo pozitivisht” dhe ajo e nis punën e saj mbi historitë e patreguara të rajonit me një buzëqeshje

Maria (djathtas), gazetare nga Bari, ka dy pasione: luftën për drejtësi dhe shkrimin, Ajo thotë se është feministe dhe fanse e Harry Potter. Nuk jemi të sigurt se kush e ka përdorur shkopin magjik për ta lidhur me Brunildën, gazetare nga Tirana, e cila beson fort se asgjë nuk ndodh rastësisht. Në projektin Balkan Booster, Bruna dëshiron t'u japë zë njerëzve të zakonshëm dhe historive të tyre.

Markos i është realizuar ëndrra që të punojë në radio, po tani ai ka një dëshirë tjetër: të dëshmojë se gazetaria i bashkon dhe nuk i ndan njerëzit! I riu nga Novi Sadi do të punojë me Meridianën, gazetare nga Prishtina, së cilës në kohën e lirë i pëlqen anatomia dhe novelat. Në projektin Balkan Booster ajo do të angazhohet me dashuri për dinamikën dhe sfidat e punës gazetareske në këtë fushë.

Gazetaria dhe multimedia: një kombinim fitimtar! Të paktën në rrjetet sociale. Gazetari Borjan nga Shkupi (djathtas) dhe studenti Abdullah nga Sarajeva zotrojnë pikërisht këto mjeshtëri. Përveç gazetarisë Borjanit i pëlqen sporti, politika dhe videolojërat, ndërsa Abdullahu gjen gjithmonë harmoninë në çdo gjë. Prej tyre nuk presim asgjë më pak sesa të jenë një ekip gazetaresk harmonik!

Arbnora (majtas) nuk është fillestare në punën pas kamerës. Ajo ka kohë që fotografon ngjarje të rëndësishme për mediat në Shkup. Kurse Suzana është gjithmonë para kamerës. Ajo donte të bëhej aktore, por jeta e hodhi në ujërat e gazetarisë, në të cilat sot noton me lehtësi. Dy gazetaret do të shartojnë aftësitë e tyre dhe së bashku do të tregojnë histori të rëndësishme nga Podgorica dhe Kosova.

Lazari, gazetar dhe prezantues në TV nga Beogradi ndjek çdo ditë ç'ndodh në botën e shkencës dhe të teknologjisë. Në kohën e lirë i pëlqen të lexojë dhe të shkruajë poezi. Partnerja e tij në projekt, Semra, nga Sarajeva pëlqen poezinë, por dhe artin dhe futbollin. Synimi i saj është të lërë gjurmë në jetë, sepse “kemi vetëm një jetë, ndaj pse të mos krijojmë një mrekulli që ia vlen të rrëfehet”.