1. Kalo tek përmbajtja
  2. Kalo tek lista qendrore e navigimit
  3. Kalo tek më shumë oferta të DW
Live TV
Videot e fundit
Në fokus
EuropaGjermaniaBallkani Perëndimor
PolitikëEuropë

Greqia dhe Turqia vazhdojnë të luajnë me zjarrin

27 Gusht 2020

Edhe pse Ministri i Jashtëm gjerman, Heiko Maas u përpoq të ndërmjetësojë mes Greqisë dhe Turqisë, tensionet midis dy partnerëve të NATO-s vazhdojnë. Ministrja gjermane e Mbrojtjes kritikon manovrat ushtarake në Mesdhe.

https://p.dw.com/p/3hYj1
Griechenland | Türkei | Konflikt um Machtansprüche im östlichen Mittelmeer
Fotografi: picture-alliance/AP Photo/Greek Defence Ministry/

Greqia dhe Qiproja filluan të mërkurën (26.08)  së bashku me Francën dhe Italinë një manovër të gjerë ushtarake në ajër dhe në det. Kurse Turqia kreu po ashtu një stërvitje detare në Mesdheun lindor së bashku me Shtetet e Bashkuara të Amerikës.

Ministria turke e Mbrojtjes njoftoi në Twitter se anijet luftarake turke TCG Barbaros dhe TCG Burgazada dhe destrojeri amerikan USS Winston S. Churchill zhvilluan një manovër të përbashkët. Kurse në manovrën në Qipro po marrin pjesë përveç tre avionëve luftarakë grekë F-16, tre avionë luftarakë francezë të tipit Rafale, një fregatë dhe një helikopter. Avionët operojnë nga aeroporti Paphos në Qipron perëndimore.

Türkisches Forschungsschiff «Oruc Reis»
Fotografi: picture-alliance/dpa/DHA/I. Laleli

Mosmarrëveshja konsiderohet si tejet e rrezikshme. Dhe madje i mundur duket edhe një konflikt ushtarak midis dy aleatëve të NATO-s, pas një përplasje midis një anijeje luftarake turke dhe greke.

Kritika nga Ministrja gjermane e Mbrojtjes

Ministrja Federale e Mbrojtjes, Annegret Kramp-Karrenbauer, i kritikoi pas takimit me homologët e saj të BE në Berlin manovrat ushtarake. Ato janë "gjithçka tjetër përveçse të dobishme" - tha ajo duke iu referuar rrezikut që stërvitjet ushtarake të vendeve anëtare të NATO-s "mund të çojnë pa dashje në një përshkallëzim të mundshëm të gjendjes".

Annegret Kramp-Karrenbauer und Nicos Panagiotopoulus
Annegret Kramp-Karrenbauer dhe Nicos Panagiotopoulus Fotografi: Bundeswehr/Torsten Kraatz

Kramp-Karrenbauer, e cila është edhe kryetare e CDU-së, kërkoi edhe një herë gatishmëri për kompromis nga të dy palët. "Ne duhet të gjejmë një pikë nga ku t'u rikthehemi bisedimeve dhe negociatave politike," tha Kramp-Karrenbauer. Ministrja e Mbrojtjes  theksoi gjithashtu se në një konflikt kaq të komplikuar është i nevojshëm "një durim strategjik për një zgjidhje politike të konfliktit."

Greqia miraton marrëveshje me Italinë dhe Egjiptin 

Parlamenti grek miratoi me shumicë po ashtu të mërkurën në mbrëmje dy marrëveshje për krijimin e Zonave Ekskluzive Ekonomike (EEZ) me fqinjët e saj mesdhetarë Italinë dhe Egjiptin. Me këto dy marrëveshje të tre shtetet u njohin ishujve grekë të drejtën e përkatësisë territoriale të një zone detare përreth tyre si dhe shfrytëzimin e tyre si zonë ekonomike.