ABU DHABI : Schroeder awasili Umoja wa Falme za Kiarabu

Kansela Gerhard Schroeder wa Ujerumani amewasili Umoja wa Falme za Kiarabu akiwa katika mkondo wa mwisho wa ziara ya wiki moja katika Ghuba ya Uajemi.

Kabla ya hapo alikuwako nchini Oman na kukutana na mfalme wa nchi hiyo Sultan Qaboos.

Mazungumzo yao yalitegemewa kulenga biashara kati ya nchi hizo mbili na vita vya ugaidi duniani.Schroeder aliwasili Oman akitokea Yemen wakati akiendelea na ziara yake ya mataifa ya Ghuba ya Uajemi.Amekamilisha ziara yake nchini Yemen kwa taarifa iliyoyakinisha kujizatiti kwake kwa uhusiano wa kitamaduni na wa kiuchumi na nchi hiyo.