1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Sauti zetuVidio zetu
Yanayoangaziwa
Uchaguzi wa Marekani 2024Mzozo wa Israel na HamasBundesliga
SiasaUlaya

Baerbock aunga mkono msaada zaidi wa kijeshi kwa Ukraine

Sudi Mnette
22 Mei 2024

Waziri wa mambo ya nchi za nje wa Ujerumani Annalena Baerbock, amesema anaunga mkono wito wa Waziri wa Ulinzi wa Ujerumani Boris Pistorius wa kuongezea msaada kwa Ukraine.

https://p.dw.com/p/4g8XQ
Waziri Annalena Baerbock akiwa Kyiv
Annalena Berbock akikutana na vitengo vya ulinzi wa anga. Kyiv, Ukraine. 05/21/2024Picha: DW

Mwanadiplomasia huyo wa Ujerumani amesema anaunga mkono wito huo pamoja na ule wa waziri wa ndani wa taifa hilo akisema kwa sasa wanachohitaji ni bajeti ya masuala ya Usalama.

Gazeti la kila Jumapili la Bild liliripoti kuwa Pistorius  anapanga kuomba msaada wa ziada wa dola bilioni 4.3 kwa usaidizi wa kijeshi wa Ukraine kwa mwaka huu. Kwa mujibu wa ripoti hiyo tayari Ujerumani imetoa dola bilioni 7.1 kwa Ukraine kwa mwaka 2024.

Ripoti ya gazeti ya Bild imesema tayari pesa hizo zimeshatumika na kilichobakia ni milioni 300 ya manunuzi ya silaha nyengine.