1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Sauti zetuVidio zetu
Yanayoangaziwa
Uchaguzi wa Marekani 2024Mzozo wa Israel na HamasBundesliga
SiasaMashariki ya Kati

Benki ya Dunia na IMF zaanza mkutano ya juma zima

Sudi Mnette
10 Aprili 2023

Benki ya Dunia na Shirika la Fedha Ulimwenguni, IMF, zitaendelea na mikutano yake juma hili kwa nia ya mageuzi huku kukiwa na matarajio ya kugubikwa na ajenda kabambe za mashaka ya mfumko wa bei.

https://p.dw.com/p/4Ps6K
IWF Direktorin Kristalina Georgieva
Picha: Britta Pedersen/dpa/picture alliance

Benki ya Dunia na Shirika la Fedha Ulimwenguni, IMF, zitaendelea na mikutano yake juma hili kwa nia ya mageuzi huku kukiwa na matarajio ya kugubikwa na ajenda kabambe za mashaka ya mfumko wa bei na kuongezeka kwa mivutano na umadhubuti wa hali ya kifedha kote duniani.

Katika hotuba yake ya juma lililopita, Mkurugenzi Mkuu wa IMF, Kristalina Georgieva, amenukuliwa akisema "Ukuaji wa uchumi unasalia kuwa dhaifu, kwa sasa na katika muda wa kati."

Mfuko huo kwa sasa unatarajia ukuaji wa uchumi kimataifa kupungua chini ya asilimia tatu mwaka huu, na kubaki karibu na asilimia tatu kwa nusu muongo ujao  ikiwa ni kiwango cha chini kabisa cha utabiri wa muda wa kati tangu katika miaka ya 1990.