BERLIN : Yuschenko kukutana na Schroeder

Rais wa Ukraine Viktor Yushchenko ambaye yuko katika siku ya pili ya ziara yake nchini Ujerumani anatarajiwa kukutana na kansela Gerhard Schroder leo. Baadaye Bwana Yushchenko anatarajiwa kulihutubia bunge la Ujerumani. Jana Bwana Yushchenko amesisitiza nia yake ya kuielekeza nchi yake kuwa mwanachama wa jumuiya ya Ulaya.

Aliyasema hayo wakati wa mahojiano maalum na sauti ya Ujerumani, Deutsche Welle, baada ya mazungumzo na rais wa Ujerumani Horst Kohler mjini Berlin.