1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi wa Marekani 2024Mzozo wa Israel na HamasBundesliga
Sauti zetuVidio zetu
SiasaUjerumani

Chama cha BSW chapinga Ujerumani kuipa Ukraine silaha

Iddi Ssessanga
3 Novemba 2024

Chama cha Kipopulisti cha Muungano wa Sahra Wagenknecht, BSW, kinatumia mafanikio yake katika chaguzi za majimbo 3 ya Mashariki ya Ujerumani kuhimiza vyama vikuu kuunga mkono msimamo wa kupinga utoaji wa silaha Ukraine.

https://p.dw.com/p/4mXfc
Ujerumani | Berlin | Sahra Wagenknecht
Kiongozi wa chama cha siasa cha BSW Sahra WagenknechtPicha: Christian Mang/REUTERS

Hali hii inaongeza mvutano katika serikali kuu ya mseto inayoongozwa na Kansela Olaf Scholz, ikihatarisha msaada wa Ujerumani kwa Ukraine. 

Chama cha SPD cha Scholz jimboni Brandenburg kimeunga mkono taarifa ya kupinga silaha pamoja na BSW, lakini chama cha Kijani kimeonya kuwa kusitisha msaada kunaweza kuhatarisha usalama wa Ujerumani.

Wagenknecht anasisitiza kuingiza sera za kupinga vita katika miungano ya majimbo, mnamo wakati mabadiliko ya maoni ya umma yakionyesha kupungua kwa shauku ya kuiunga mkono Ukraine.

Soma pia:Wapiga kura katika jimbo la Brandeburg wanashiriki uchaguzi muhimu

Hata hivyo, BSW inakabiliwa na migogoro ya ndani kutokana na msimamo mkali wa Wagenknecht, ambao unayumbisha umoja wa chama.

Katika jimbo la Thuringia, kiongozi wa BSW, Katja Wolf, alikosolewa kwa kupunguza makali ya msimamo wa chama, na wachambuzi wanaonya kuwa masharti makali yanaweza kuhatarisha uimara wa muda mrefu wa BSW.