1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi wa Marekani 2024Mzozo wa Israel na HamasBundesliga
Sauti zetuVidio zetu
SiasaAfrika

ECOWAS yawapa watawala wa kijeshi muda wa mwisho kuamua

17 Desemba 2024

Viongozi wa jumuiya ya kiuchumi ya mataifa ya magharibi mwa Afrika, ECOWAS, wametowa muda wa miezi sita kwa serikali zinazoongozwa na majenerali wakijeshi kutafakari maamuzi yao ya kuachana na jumuiya hiyo.

https://p.dw.com/p/4oC88
ECOWAS, Mali, Niger, Burkina Faso, Nigeria , siasa
Viongozi wa ECOWAS katika mkutano wao wa kilele mjini Abuja, nchini NigeriaPicha: Ubale Musa/DW

Uamuzi huo dhidi ya serikali za BurkinaFaso, Mali na Niger umekuja baada ya mataifa hayo matatu kusema maamuzi yao ya kujitowa kwenye jumuiya ya ECOWAS  hayawezi kubadilishwa. 

Soma pia: Viongozi wa ECOWAS wakutana kwenye mkutano wa kilele, katikati ya kitisho cha wengine kujitoa

Watawala wa mataifa hayo wanaishutumu jumuiya hiyo kuwa ni kibaraka cha wakoloni wao wa zamani Ufaransa. Kujiondowa kwa mataifa hayo  katika jumuiya hiyo ya kikanda ni hatua inayoweza kusababisha athari kubwa katika biashara huria na usafiri pamoja na ushirikiano wa kiusalama.

Viongozi waliokutana kwenye mkutano wa kilele mjini Abuja, Nigeria pia walipitisha uamuzi wa  wa kuundwa mahakama maalum itakayosikiliza kesi dhidi ya rais wa zamani wa Gambia,Yahya Jammeh, kutokana na uhalifu uliofanyika wakati wa utawala wake nchini humo.