IAEA yamezuiwa kufika maeneo ya kiwanda cha Zaporizhzhia

Mkuu wa shirika la kimataifa la kudhibiti silaha za nyuklia, IAEA Raphael Grossi amesema wachunguzi wake walizuiwa wasifike maeneo ya kiwanda cha nyuklia cha Zaporizhzhia nchini Ukraine kinachokaliwa na Urusi.

Grossi amesema wachunguzi katika kiwanda hicho hawajaruhusiwa kuingia katika kumbi mbili kubwa za mtambo wa kwanza wa pili na wa sita.

Grossi pia amesema hii ni mara ya kwanza kwa wachunguzi kuzuiwa kufika maeneo hayo na timu yake itaendelea kuomba waruhusiwe. Amesema kufikia sasa bado hawajapokea mipango ya matengenezo ya kiwanda hicho kwa mwaka huu wa 2024.