1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi wa Marekani 2024Mzozo wa Israel na HamasBundesliga
Sauti zetuVidio zetu
SiasaMashariki ya Kati

Iran yairuhusu IAEA kuongeza ukaguzi wa nyuklia

Sudi Mnette
14 Desemba 2024

Iran imethibitisha kuwa imeliruhusu Shirika la Kimataifa la Nishati ya Atomiki IAEA, kuongeza ukaguzi inaoufanya katika mpango wake wa nyuklia.

https://p.dw.com/p/4o9W2
Iran | IAEA-Chef Rafael Mariano Grossi in Teheran
Mkurugenzi Mkuu wa Wakala wa Kimataifa wa Nishati ya Atomiki (IAEA) Rafael Mariano Grossi akipeana mkono na Mkuu wa Shirika la Nishati ya Atomiki la Iran Mohammad Eslami mjini Tehran, Iran, Novemba 14, 2024.Picha: Majid Asgaripour/REUTERS

Mkuu wa nishati ya nyuklia ya Iran, Mohammad Eslami amenukuliwa leo na shirika la habari la Iran, IRNA akisema kuwa wameongeza shughuli za nyuklia, hivyo kiwango cha ukaguzi kinapaswa kuongezeka. Matamshi ya Eslami yametolewa baada ya ripoti yaIAEA iliyoonekana na shirika la habari la AFP siku ya Ijumaa, kusema kuwa Iran imekubali ombi la shirika hilo kuongeza kasi ya utekelezaji wa ukaguzi katika kiwanda cha kurutubisha madini ya urani cha Fordo, kilichoko kusini mwa Tehran. Wiki iliyopita, IAEA ilisema kuwa Iran imekifanyia marekebisho kiwanda cha Fordo, ili kiweze kuongeza kiwango cha uzalishaji wa urani iliyorutubishwa hadi asilimia 60, ambayo ni sawa na asilimia 90 inayohitajika kutengeneza silaha za nyuklia.