Jeshi la Israel ladai kuharibu kamandi ya kijeshi ya Hamas

Jeshi hilo la IDF limeongeza kuwa, limeharibu handaki moja linalotumiwa na Hamas.

IDF inadai kuwa wanamgambo kadhaa wameuawa wakati wa oparesheni ya kijeshi katika wilaya ya Shejaiya, inayoonekana kama moja ya ngome za mwisho iliyokuwa chini ya Hamas huko Gaza.

Taarifa hizo hata hivyo hazikuweza kuthibitishwa na vyanzo huru.

Kwa upande mwengine, Israel wiki hii imefanya oparesheni kubwa ya kijeshi katika mji wa Ukingo wa Magharibi wa Jenin na kambi yake ya wakimbizi.

Wizara ya afya ya Palestine imesema oparesheni hiyo imedumu takriban siku tatu na kwamba watu 12 wameuawa na makumi ya wengine wamejeruhiwa.