Kenya yafungua mpaka na Ethiopia tena kuruhusu biashara

Kulingana na naibu kamishna wa eneo la uwakilishi la Dukana, Solomon Mwapapale, mpaka huo ulifunguliwa baada ya mazungumzo kati ya Rais Uhuru Kenyatta na Waziri Mkuu wa Ethiopia, Abiy Ahmed.

Mwapapale amesema serikali inanuia kuhakikisha kuna usalama wa kutosha na uhuru wa watu kusafiri kati ya mataifa hayo mawili. Hata hivyo, afisa huyo amesema serikali haitaruhusu biashara haramu kuendeshwa kwenye eneo hilo la mpakani.

Ikumbukwe kuwa mpaka wa Kenya na Ethiopia umekuwa ukitumika na wanaofanya biashara ya binadamu pamoja na walanguzi wa dawa za kulevya

Mpaka huo ulifungwa kutokana na changamoto za kiusalama hasa nchini Ethiopia, pamoja na hofu ya kusambaa kwa virusi vya corona.