1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi wa Marekani 2024Mzozo wa Israel na HamasBundesliga
Sauti zetuVidio zetu
Janga

Watu 30 wahofiwa kufa kwenye maporomoko ya ardhi Uganda

Bruce Amani
28 Novemba 2024

Takribani watu 30 wanahofiwa kufa baada ya kutokea maporomoko ya ardhi katika kijiji kimoja mashariki mwa Uganda. Hayo yamesemwa na afisa mmoja wa eneo hilo aliyeonya kuwa idadi hiyo huenda ikapanda.

https://p.dw.com/p/4nVyy
Uganda maporomoko ya ardhi
Kiasi ya watu 30 wahofiwa kufa kwenye maporomoko ya ardhi UgandaPicha: Uganda Red Cross Society/AP Photo/picture alliance

Mkuu wa Wilaya ya Bulambuli, Faheera Mpalanyi ameliambia shirika la habari la AFP kuwa maporomoko ya ardhi yalitokea katika kijiji cha Masugu na kuwa miili sita, ukiwemo wa mtoto mdogo, imepatikana mpaka sasa.

Bi Mpalanyi amesema kutokana na uharibifu na ukubwa wa eneo lililoathirika na jinsi familia zilizoathirika zinavyotuambia, watu kadhaa hawajulikani waliko na kuna uwezekano wamefukiwa kwenye vifusi.

Watu wasiopungua 18 wauawa katika maporomoko ya taka Uganda

Msemaji wa Shirika la Msalaba Mwekundu la Uganda John Cliff Wamala amesema miili 13 imepatikana. Amesema zaidi ya nyumba 40 zimeharibiwa kabisa. Ofisi ya Waziri Mkuu wa Uganda ilitoa tahadhari, ikiandika kwenye mtandao wa X kuwa mvua kubwa iliyonyesha jana Jumatano katika maeneo tofauti ya Uganda ilisababisha maafa katika maeneo mengi.

Taifa hilo la Afrika Mashariki limekumbwa na mvua kubwa katika siku za karibuni, huku kukishuhudiwa mafuriko kaskazini magharibi mwa nchi baada ya mkondo wa Mto Nile kuvunja kingo zake.