1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi wa Marekani 2024Mzozo wa Israel na HamasBundesliga
Sauti zetuVidio zetu
SiasaJamhuri ya Kidemokrasia ya Congo

Kongo yazindua kampeni ya kiti kwenye Baraza la Usalama UN

19 Desemba 2024

Jamhuri ya Kidemokrasia ya Kongo imezindua kampeni yake ya kuwania kiti kisicho cha kudumu katika Baraza la Usalama la Umoja wa Mataifa kwa 2026-2027 katika hafla iliyofanyika huko Kinshasa.

https://p.dw.com/p/4oLmC
Waziri wa mambo ya nje wa Kongo Therese Kayikwamba Wagner
Waziri wa mambo ya nje wa Kongo Therese Kayikwamba Wagner anasema Kongo itashawishi mjadala wa ulinziPicha: George Okachi/DW

Waziri wa Mambo ya Nje  wa taifa hilo Therese Kayikwamba Wagner aliwaambia wanadiplomasia na maafisa wa Kongo katika hafla hiyo Jumatano kwamba iwapo taifa lake litachaguliwa litafanya juhudi za kushawishi mjadala wa ulinzi wa amani na mageuzi ya kujenga amani, pamoja na mageuzi ya mfumo wa usalama wa pamoja wa Umoja wa Mataifa.

Baraza la Usalama lina jukumu la kudumisha amani na usalama wa kimataifa, na linaweza kuchukua maamuzi ya kisheria, kuidhinisha matumizi ya nguvu, na kuweka vikwazo.

Linaundwa na wanachama watano wa kudumu -- China, Ufaransa, Urusi, Uingereza na Marekani, na wanachama 10 wasio wa kudumu ambao wanachaguliwa kwa mihula ya miaka miwili na Baraza Kuu lakini hawana uwezo wa kura ya turufu.

Nchi hiyo ya Afrika ya kati imechaguliwa mara mbili kuwa mwanachama asiye wa kudumu wa Baraza la Usalama la Umoja wa Mataifa -- mwaka 1982-1983, na 1991-1992 wakati wa Vita vya Ghuba.