Maporomoko na mafuriko yauwa watu 143 nchini Vietnam

Mapomoroko ya ardhi na mafuriko yaliyoenea, yakisababishwa na kimbunga Yagi, yamesababisha vifo vya watu 143 nchini Vietnam. Watu 58 bado hawajulikani waliko kwa mujibu wa taarifa zilizotolewa leo Jumatano na mamlaka nchini humo. Juhudi za kutafuta waliotoweka pamoja na kutowa msaada zinaendelea. Kimbunga Yagi ndio kimbunga kibaya kabisa kuwahi kupiga kaskazini mwa Vietnam katika kipindi cha miaka 30, na kilipiga eneo zima hilo mnamo siku ya Jumamosi kikisababisha upepo mkali na mvua kubwa. Kimbunga hicho kilipiga pia Ufilipino na China ambako kilisababisha uharibifu mkubwa.