1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Sauti zetuVidio zetu
Yanayoangaziwa
Uchaguzi wa Marekani 2024Mzozo wa Israel na HamasBundesliga
MigogoroMashariki ya Kati

Mashambulizi ya Israel yauwa 10 Ukanda wa Gaza

Jacob Safari
5 Novemba 2024

Mashambulizi ya Israel mapema leo yamesababisha vifo vya watu 10 katika Ukanda wa Gaza, wakiwemo watoto 4 na wanawake 2.

https://p.dw.com/p/4mcJA
Ukanda wa Gaza | Baada ya shambulio la Israel
Wakaazi wa Gaza wakiokoa baadhi ya watu kwenye jengo lililoshambuliwa na vikosi vya IsraelPicha: Ashraf Amra/Anadolu/picture alliance

Haya yamesemwa na maafisa wa Palestina. Maafisa hao wanadai kwamba katika Ukingo wa Magharibi, vikosi vya Israel vimewauwa watu 2 kufuatia kombora la angani na mtu wa tatu akauwawa kwa kupigwa risasi.

Haya yanafanyika wakati ambapo waziri wa mambo ya kigeni wa Marekani Antony Blinken ametoa wito wa msaada zaidi kuwasilishwa katika Ukanda wa Gaza kutokana na hali mbaya ya kiutu inayoshuhudiwa katika eneo hilo, zaidi ya mwaka mmoja baada ya kuanza kwa vita vya Israel dhidi ya wanamgambo wa Hamas.

Soma pia:Mashambulizi ya Israel yawauwa watu 10 Gaza

Taarifa ya wizara ya ulinzi ya Marekani iliyotolewa na msemaji wa wizara hiyo Mathew Miller imesema kwamba Blinken alijadiliana na Miller kwa njia ya simu kuhusiana na hali ya kiutu huko Gaza.