1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi wa Marekani 2024Mzozo wa Israel na HamasBundesliga
Sauti zetuVidio zetu
SiasaJamhuri ya Kidemokrasia ya Congo

Mkutano mpya wa amani DRC kufanyika Luanda

2 Desemba 2024

Mkutano mpya wa kilele wa kuendelea na mchakato wa amani mashariki mwa Jamhuri ya Kidemokrasia ya Kongo utafanyika Disemba 15 katika mji mkuu wa Angola, Luanda

https://p.dw.com/p/4nexB
Mapema mwezi Agosti, Rwanda na DRC zilitia saini makubaliano tete ya kusitisha mapigano
Mapema mwezi Agosti, Rwanda na DRC zilitia saini makubaliano tete ya kusitisha mapiganoPicha: Wang Guansen/Xinhua/picture alliance

Mkutano huo utahudhuriwa na marais wa Rwanda Paul Kagame na Félix Tshisekedi wa Kongo.

Hayo yametangazwa hivi leo na ofisi ya rais wa Angola na kusema mkutano huo uliitishwa na rais Rais wa Angola Joao Lourenço ambaye aliteuliwa na Umoja wa Afrika kuwa mpatanishi, na ni sehemu ya juhudi zinazoendelea za kutafuta suluhu ya kudumu kwenye mzozo huo.

Mapema mwezi Agosti, Rwanda na DRC zilitia saini makubaliano tete ya kusitisha mapigano na ziliidhinisha hivi karibuni nyaraka muhimu kwa ajili ya kuendeleza mchakato huo wa amani mashariki mwa Kongo, eneo linalokumbwa na uasi wa makundi kadhaa yenye silaha.