1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi wa Marekani 2024Mzozo wa Israel na HamasBundesliga
Sauti zetuVidio zetu
MichezoAfrika

Morocco kuboresha miundombinu yake kuelekea Kombe la Dunia

6 Desemba 2024

Benki ya Maendeleo ya Afrika inapania kuikopesha Morocco euro milioni 650 ili kuboresha miundombinu ya usafiri wa nchi hiyo kwa ajili ya michuano ya Kombe la Dunia la FIFA mnamo mwaka 2030.

https://p.dw.com/p/4npqk
Symbolbild | World Cup 2030 - WM Trophäe
Picha: Mike Egerton/empics/picture alliance

Hayo yameripotiwa na shirika la habari nchini humo la MAP lililomnukuu mkuu wa benki hiyo ya maendeleo jana Alhamisi.

Rais wa Benki hiyo ya Maendeleo ya Afrika Akin-wumi Adesina amesema mipango ya ufadhili wa kuiboresha miundombinu ya reli na uwanja wa ndege wa Morocco itawekwa kwenye meza ya bodi ya benki hiyo ili kuidhinishwa.

FIFA: Michuano ya Kombe la Dunia 2030 kuchezeka katika mabara 3

Morocco itakuwa mwenyeji wa Kombe la Dunia la mwaka 2030, pamoja na wenyeji wenza Uhispania na Ureno. Morocco itakuwa nchi ya pili ya Afrika kuandaa michuano ya Kombe la Dunia baada ya Afrika Kusini kufanya hivyo mnamo mwaka 2010.

Nchi hiyo ya Afrika Kaskazini tayari imeanza mipango ya kuboresha barabara na miundombinu ya reli na anga. Pia inanuia kujenga uwanja mkubwa wa michezo katika eneo la Benslimane, karibu na Casablanca pamoja na kuboresha viwanja vyengine sita.