1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Sauti zetuVidio zetu
Yanayoangaziwa
Uchaguzi wa Marekani 2024Mzozo wa Israel na HamasBundesliga
MigogoroUkraine

Narendra Modi akutana na Rais Volodymyr Zelensky

23 Agosti 2024

Waziri Mkuu wa India Narendra Modi amekutana na Rais Volodymyr Zelensky katika ziara yake ya kihistoria nchini Ukraine katika juhudi za kuvimaliza vita kati ya Urusi na Ukraine.

https://p.dw.com/p/4jrVH
India Ukraine | Waziri Mkuu wa India, Modi azuru Kyiv
Waziri Mkuu wa India NArendra Modi alipowasili mjini Kyiv, Ukraine katika ziara ya kihistoria, Agosti 23, 2024Picha: Gleb Garanich/REUTERS

Modi anafanya ziara hiyo wakati ambapo majeshi ya Ukraine yamevuuka mpaka na kuingia ndani ya jimbo la Urusi la Kursk na wakati ambapo majeshi ya Urusi yanasonga mbele katika mashariki mwa Ukraine na kuiteka miji na vijiji kadhaa.

Kabla ya kuanza ziara yake nchini Ukraine, waziri mkuu huyo wa India alisema anapanga kujadili na Rais Zelensky juu ya njia za kuleta suluhisho la vita.

Hata hivyo, India imekwepa kuulaani uvamizi wa Urusi wa mwaka 2022 na badala yake inataka suluhisho kwa njia ya mazungumzo.