Uchaguzi wa wabunge wafanyika Mauritius

Polisi wameimarisha ulinzi katika vituo vya kupigia kura wakati upinzani ukionya uwezekano wa kutokea kwa udanganyifu katika taifa hilo linalosifika kwa demokrasia na utulivu.

Uchaguzi huo unafanyika wakati Waziri Mkuu Ravind Kumar Jugnauth na wapinzani wake akiwemo Waziri Mkuu wa zamani Navin Ramgoolan wakiahidi kukabiliana na gharama za maisha katika Kisiwa hicho.

Soma zaidi: Mauritius yatangaza tarehe ya uchaguzi, yavunja Bunge

Kwenye kinyang'anyiro hicho, Chama cha Jugnauth cha Militant Socialist Movement na lliance for Change cha Ramgoolan vinawania viti 62 vya bunge. Jumla ya vyama 68 vinashiriki katika uchaguzi huo. Chama chochote kitakachopata zaidi ya nusu ya viti vya bunge la Mauritius kitakuwa kimeshinda nafasi ya waziri Mkuu.