Rais Macky Sall ampongeza Bassirou Faye kwa ushindi Senegal

Faye ameshinda uchaguzi mkuu nchini humo, wiki mbili tu baada ya kuachiwa huru kutoka jela ili ashiriki uchaguzi huo. Huku ikiwa matokeo rasmi yakiwa bado hayajatangazwa, waziri mkuu wa zamani aliyekuwa anaungwa mkono na Rais Macky Sall, amekiri kushindwa kutokana na matokeo ya awali.

Soma pia: Faye aahidi kuitawala Senegal kwa unyenyekevu na uwazi

Rais Sall pia amempongeza Faye akimtaja kwamba yeye ndiye mshindi. Ushindi wa Faye unaonyesha hali ya kukata tamaa ya vijana ambao hawana ajira na ushindi huo unaonyesha pia hofu iliyopo kuhusiana na masuala ya uongozi katika taifa hilo la Afrika Magharibi.

Katika hotubya yake ya kwnaza kama rais mteule, Faye ameahidi kufungua ukurasa mpya kufuatia miezi kadhaa ya kamata kamata ya kisiasa na machafuko.