Rais Zelensky asema jeshi lake limepungukiwa silaha

Amesema Ukraine inahitaji kuzipatia silaha brigedi 14, lakini uwezo wake ni brigedi 4 tu.

Zelensky amemwambia mwandishi wa habari wa Marekani Fareed Zacharia kwenye mahoajiano kwamba Silaha hizo, ni zile inazopewa na washirika wake wa magharibi.

Sehemu ya mahojiano hayo ilichapishwa kwenye mtandao wa Telegram na vyombo vya habari vya Ukraine.

Zelensky amesema Ukraine ilitumia akiba yake yote, na hasa wakati Bunge la Marekani lilipozuia upelekwaji wa silaha na kusisitiza kwamba ni lazima hifadhi yake iwe na silaha tena.