1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi wa Marekani 2024Mzozo wa Israel na HamasBundesliga
Sauti zetuVidio zetu
SiasaAfrika

Ethiopia yapiga marufuku mashirika 3 ya haki za binadamu

3 Desemba 2024

Shirika la haki za binadamu la Human Rights Watch (HRW) limeikosoa Ethiopia kwa kusimamisha shughuli za mashirika matatu yasiyo ya kiserikali ya haki za binadamu.

https://p.dw.com/p/4nh5B
Laetitia Bader I Human Rights Watch (HRW)
Naibu mkurugenzi wa shirika la Human Rights Watch Afrika, Laetitia BaderPicha: Human Rights Watch

Shirika hilo limeishurumu nchi hiyo kuzima fursa ya mwisho ya kuwepo uangalizi huru katika wakati ambapo kuna mgogoro unaozidi kuwa mbaya.

Ethiopia ilichukuwa hatua ya kuzuia kazi za mashirika ya CARD, AHRE na LHR tangu Novemba 14 ikisema mashirika hayo yana upendeleo wa kisiasa na yanavuruga maslahi ya nchi hiyo. 

HRW: Umoja wa Mataifa uchunguze mauaji ya jeshi la Ethiopia

Naibu mkurugenzi wa shirika la Human Rights Watch Laetitia Bader,  amesema hatua hiyo ya serikali ya Addis Ababa, inaonesha kwamba nchi hiyo bado inabakia kuwa miongoni mwa maeneo hatari yasiyovumilia ukosoaji wa vitendo vya serikali na kujali haki za binadamu. 

Mashirika yaliyopigwa marufuku, yanayodai kutoegemea upande wowote kisiasa, yalilengwa muda mfupi baada ya kusaini barua ya wazi iliyokosoa mapendekezo ya kufanya mageuzi katika sheria ya vyombo vya habari nchini humo.