1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi wa Marekani 2024Mzozo wa Israel na HamasBundesliga
Sauti zetuVidio zetu
AfyaSierra Leone

Sierra Leone kuzindua kampeni ya chanjo dhidi ya Ebola

Tatu Karema
5 Desemba 2024

Sierra Leone itazindua leo kampeni ya chanjo ya kitaifa dhidi ya ugonjwa wa Ebola kwa wafanyakazi wake wa afya, muongo mmoja baada ya mlipuko mkali wa ugonjwa huo kutokea nchini humo.

https://p.dw.com/p/4nll2
WHO I Kongo I Ebola
Mhudumu wa afya kutoka Shirika la Afya Duniani akijiandaa kutoa chanjo ya Ebola nchini Jamhuri ya Kidemokrasia ya KongoPicha: Al-hadji Kudra Maliro/AP/picture alliance

Takribani wahudumu 20,000 wa afya watapatiwa chanjo hiyo. Haya ni kwa mujibu wa taarifa iliyotangaza kuanza kwa kampeni hiyo.

Taarifa hiyo pia imesema kuwa chanjo hizo kutoka Muungano wa Kimataifa wa Chanjo, Gavi zitatolewa kwa wahudumu hao wa afya wanaokabiliwa na hatari ya maambukizi kabla ya kuchunguzwa kwa mgonjwa, pamoja na madereva wa magari ya kubeba wagonjwa na waganga wa kienyeji na washauri, ambao mara nyingi huwa wa kwanza kuwasiliana na wagonjwa na jamaa zao.

Soma pia: Hatua za kuzingatia unapojihisi umeambukizwa Ebola 

Taarifa hiyo imeongeza kuwa lengo ni kulinda vyema mfumo wa huduma za afya na wafanyakazi wake dhidi ya uwezekano wa mlipuko mwingine na pia kupunguza madhara ya virusi hivyo.

Waziri wa Afya Austin Demby ameitaja kampeni hiyo kama uwekezaji katika usalama wa watu wa nchi hiyo.