Taiwan ina wasiwasi na mazoezi ya kijeshi ya China

Waziri wa Ulinzi wa Taiwan, Chiu Kuo-cheng, amesema kuongezeka kwa mazoezi ya kijeshi ya China katika maeneo ya karibu na Taiwan kunaelekea kutodhibitika na kunaweza kuzusha ajali isiyokusudiwa.

Taiwan imesema katika kipindi cha majuma mawili yaliopita kumeshuhudiwa ongezeko la wanajeshi wa China, ndege na meli za kivita na ndege zinazoruka bila ya rubani.

China ambayo imekuwa ikisisitiza kwa muda mrefu kuwa Taiwan ni sehemu yake haijasema lolote kuhusu mazoezi haya ya sasa karibu na kisiwa hicho.