Ukanda wa Gaza kwazidi kutokota

Israel ilitangaza kuwa inayalenga maeneo ya kufyatulia makombora ya kundi la wanamgambo la Islamic Jihad. Wizara ya afya ya Gaza imesema watu wanne wameuawa, siku moja baada ya mashambulizi ya Israel katika maeneo ya Kipalestina kuwauwa watu 15. Mfumo wa ulinzi wa makombora ya angani wa Israel umeripotiwa kuyaharibu makombora katika anga za mji wa pwani wa Ashkelon na kwingineko katika upande wa kusini. Jeshi la Israel limesema leo kuwa mashambulizi yake yaliwalenga wanamgambo waliokuwa njiani kwenda katika eneo la kufyatulia makombora katika mji wa Khan Yunis kusini mwa Gaza. Kundi la Islamic Jihad liliapa jana kulipiza kisasi, huku Israel ikiwaonya wakaazi wake karibu na mpaka huo kujificha katika mahandaki ya kujikinga na mabomu.